之前 SUCH HK 打鑼打鼓話要搶人才，反應熱烈！經過幾輪激烈篩選，團隊終於揀出最後23位準新主持。依家佢哋要面對嘅，係最終考驗——地獄評審團！ 呢班食鹽多過你食米嘅專業評審團，絕對唔會錫住參加者嘅感受， 有咁Mean得咁Mean，直接到極點！不過，咁樣做唔係為咗打擊人，而係真心希望參加者可以早啲知道自己嘅不足同優點，搵到改進方向，等未來條路行得更順啫！事實上，要喺呢個圈入得去、企得穩，冇個強大嘅心臟，點頂得住！ 為咗俾大家感受下呢個「地獄級」評審嘅威力，今次我哋將評審現場嘅實況紀錄比大家睇。其實，佢哋睇Casting 嘅表現都可以話係娛樂圈廣告圈嘅真實縮影——冇人性，冇包容心，Mean 到爆！所以，各位參加者面對嘅，唔單止係評審團，而係一個縮小版嘅專業世界。 投票權在你手！幫佢哋平反！ 當然，淨係由呢班經驗老到嘅人家——簡稱「老人家」 做最終決定，未免太唔民主喇。依家，觀眾你都可以為你心水嘅參加者平反，用實際行動支持佢哋，用IG Like投佢哋一票！除咗評審心水之外，得到最多心心嘅兩位參加者都可以進入第二關考驗。記住，結果係可以扭轉嘅！ 唔知應該投邊個好？唔使急！你可以先去SUCH HK Reels版面睇晒每位參加者嘅Casting Video，了解佢哋嘅才華同表現，再決定投邊個都未遲！ 記得追看後續內容，同時將你嘅支持投俾最有潛力嘅人！你嘅一個like，可能改寫佢哋嘅命運！ #SUCHHK #地獄評審 #實招主持 #新主持 #SUCH 想知道更多最新消息，記得喺Facebook, Instagram, Youtube密切留意我哋： Facebook: https://www.facebook.com/such.hongkong Instagram: https://www.instagram.com/such.hk YouTube: https://www.youtube.com/c/suchhk SUCH/STORE: https://www.such.hk

23位準新主持經過第一輪投票，成功突圍嘅6位終於誕生！但過咗第一關唔代表穩陣，因為真正嘅主持，唔係淨係自己講嘢叻就得，而係點樣互動，點樣lead住受訪者，點樣Hold住令觀眾眼球！ 今次，6位準主持要進入新一輪挑戰——Speed Dating 考驗！ 講愛情？太膚淺喇，最終目標係要測試佢哋點樣同嘉賓互動，以Speed Dating 為題去吸引嘉賓。為咗測試佢哋嘅臨場應變能力，我哋請嚟 東方昇 @wong_kar_wai 、阿卵楊偉倫 @lunyeah.yeah 同柿柿 @this.is.chichi 擔任嘉賓考官，親自「約會」6位準主持，感受佢哋嘅主持功力！ 講到明係 Speed Dating，最重要梗係點樣吸引對方，可唔可以型造Romantic嘅氣氛，喺短時間 內Hold 住個場，令嘉賓傾得舒服之餘對你留下深刻印象。 一個成功嘅主持，最關鍵嘅從來都係有Character！無論對象係男定女，觀眾想睇嘅，永遠都係最有個人魅力嘅人！ 6位準主持，究竟有冇慧根成為SUCH HK 新主持？3位考官對佢哋又有咩評價？即刻去片睇睇！ #東方昇 #楊偉倫 #柿柿 #SUCHHK #實招主持 #新主持 想知道更多最新消息，記得喺Facebook, Instagram, Youtube密切留意我哋： Facebook: https://www.facebook.com/such.hongkong Instagram: https://www.instagram.com/such.hk YouTube: https://www.youtube.com/c/suchhk SUCH/STORE: https://www.such.hk

今次《實招主持》最終決戰請到朱栢康參與演出，對 Sum 嚟講，唔只係加分，仲係挑戰。 因為一個演技夠班嘅演員，反而就更易睇到劇本夠唔夠實力。 有朱栢康撐場，阿Sum 支筆就見真章。 而Sum 創作嘅《辦公室輪迴》，就係佢今次嘅實力測試。 打工，打到入地獄；面試，可能先係惡夢嘅開始。 《辦公室輪迴》睇落係一個職場故事，實際係一場職場地獄劇本。 一開場就拉你入一個熟口熟面、但又毛管戙嘅職場世界。 係戲？定係現實？ Sum 筆下嘅「好人老細」，表面話自己「好 friendly」， 但實際句句都有佢講，冇你講； 朱栢康飾演嘅社畜角色，冇乜對白， 但眼神已經講晒打工仔嘅無奈。 Sum 用「輪迴」做主題，可能係因為有朱栢康參與，想食埋《破地獄》個水尾；但更可能係想講一種「就算死，都擺脫唔到打工」 嘅宿命。 咁樣嘅處理，究竟係夠戲劇性？ 係太想贏，過咗火？ 定係太真實，唔小心俾佢講中咗？ 睇晒《辦公室輪迴》完整版， 睇下佢寫嘅故事，打唔打動到你？ #朱栢康 #SUCHHK #實招主持 #新主持 想知道更多最新消息，記得喺Facebook, Instagram, Youtube密切留意我哋： Facebook: https://www.facebook.com/such.hongkong Instagram: https://www.instagram.com/such.hk YouTube: https://www.youtube.com/c/suchhk SUCH/STORE: https://www.such.hk

事隔六年，豪腎再次同嘉欣合作，喺「一本地陶」嘅第三集連同 A Mintue Studio 同大家介紹陶藝嘅拉坏技巧。 豪腎依六年就好似坐過山車咁，同返六年前嘅佢哋講，佢哋都未必會相信會走到咁遠。不過更加難以置信嘅係，六年前嘅嘉欣同六年後嘅嘉欣根本上係無分別，可能六年前嘅嗰一笑，係真係令世界靜止了。既然係咁，點解豪腎要著住kayan9896 tee挑機呢？唔通佢哋已經變咗心？唔通佢哋要update女神榜？ 花邊新聞就唔講太多喇，講返陶瓷先。豪腎今次挑戰嘅拉坏其實係比較進階嘅技巧，但係SUCH/ 團隊一致認為以豪腎嘅創作細胞同埋無厘頭能力，基本上拉坏係唔會難到佢哋。唔好誤會，我哋唔係輕視拉坏嘅難度，只係覺得就算失敗都會照樣好睇，因為豪腎一定會搵到佢哋嘅角度去俾返一啲啟發大家 ：（幻想mode）「我哋覺得我哋今日嘅拉坏係成功嘅」(Pan落去啲失敗品度）「因為呢，藝術嘅世界係無失敗嘅⋯」（豪哥講講下開始忍唔到笑）「豪哥嘅意思係呢，藝術係同人溝通㗎嘛，唔一定要好似好靚好完美先溝通到㗎，好似依塊碎片咁⋯」（腎仔頂上）「咩碎片啊？依個係我哋嘅作品嚟㗎！」（豪哥故作憤怒大喊）「⋯好似依個我哋嘅作品咁樣呢⋯佢咪就係想溝通話⋯拉坏⋯Er⋯好難！係呀，拉坏好難㗎」（腎仔笑住夾硬講埋）⋯⋯ 可惜嘅係，以上嘅情節最終只係幻想。豪腎最終係成功完成佢哋嘅作品嘅！仲要係一人一個！聽講腎仔最尾成功整咗一件破天荒，認真毛X嘉欣嘅作品，但竟然都係不敵豪哥嘅另類Crossover！想知豪腎藝術天分有幾高？想知道豪腎女神榜係咪有updates?即刻睇埋個完整版佢啦！ 「一本地陶」係一個比喻，可引申為「第一個香港本地舉辦的大型陶藝節」，旨意凝聚本地陶藝家，呈現「一體」嘅陶藝圈面貌。「一本地陶」亦都好似一本「地圖冊」咁，作為引領本地及海外觀眾參與及了解香港陶藝領域嘅入門指南，成為陶藝界嘅一個年度記錄，詳情可以留意「一本地陶」IG @hklcaf。另外，每位偶像嘅作品將會於是次陶藝節嘅市集作慈善拍賣，想擁有偶像真跡嘅朋友，市集見！ 最後想同大家宣布「一本地陶」香港首個本地陶藝節返嚟喇！原定3月舉行嘅活動受到疫情嘅影響因而延期，而經歷搞手同各陶藝家嘅堅持同努力之後，最終排除萬難，嚟緊就可以同大家見面喇，詳情如下： 日期及時間： 2022/6/24 開幕日 | 6:00pm - 10:00pm 2022/6/25-26 | 1:00pm - 8:00pm 地點： 九龍青山道 800號饒宗頤文化館 門票售買詳情請參閱「一本地陶」IG @hklcaf #SUCH #拉坏 #陶藝 #蘇豪 #許賢 #林嘉欣 #AMinuteStudio 記得喺Facebook, Instagram, Youtube密切留意SUCH HK： Facebook: https://www.facebook.com/such.hongkong Instagram: https://www.instagram.com/such.hk Youtube: https://www.youtube.com/c/suchhk

「一本地陶」最終章迎嚟重量級（適用於肌肉及人氣）嘉賓Tyson Yoshi！SUCH團隊事前做足功課，知道Tyson唔悶得，又想搵啲位俾佢釋放肌肉力量，所以同捨予陶室安排咗兩個大task俾 Tyson做，諗住實無死。點知拍拍下，Tyson透露咗其實佢唔太鍾意拍嘢，主要係因為要用好多時間同埋本身無乜耐性。正當大家都成額汗，擔心緊陶瓷繁複嘅工序會唔會將Tyson嘅耐性推向頂點嘅時候，嘉欣再次化身天使，開啟溫柔對話模式，同Tyson邊整邊瘋狂傾計，令Tyson都同大家分享咗好多好real嘅自身經歷同對唔同事嘅睇法。 而今集主要同大家介紹咗兩個陶瓷技巧，分別係壓模同電鑽透雕。 喺壓模方面，捨予陶室嘅主理人嘉浩，仲記得喺京都讀大學院嗰陣做畢業作品時運用到嘅壓模技巧。一方面可以以極快嘅速度大量生產相同嘅形狀，而該形狀亦可以於翻模後迅速變成可塑形嘅皮革硬(leather hard) 狀態，相當適合電鑽打窿加工。壓模技巧主要運用到泥板同石膏模，首先要將泥板平均地壓好，然後順住石膏模具嘅形狀裁好泥板，再將泥板向石膏模壓到貼服，並於接合位刮花泥漿，用力將模具合上同用膠鎚打實，等10分鐘左右去俾石膏模吸去陶泥表面嘅水分，即可輕鬆脫模完成造形。 而喺電鑽透雕方面，主要嘅目的係透過打窿貫通器物嘅內外空間，從而改變器物嘅用途。打窿雖看似侵蝕器物嘅表面，卻因而可以顯現同窺探到器物嘅內部空間。打咗窿嘅器物雖失去盛載實物嘅功能，卻得到讓事物通過嘅性質，令原本漆黑暗淡嘅器物空間，充滿光與影嘅色彩。 電鑽打窿看似相當簡單，事實上需要注意陶泥嘅水分控制、鑽咀嘅鋒利度、電鑽嘅力度同速度以及需要無限嘅耐性。要做到圓洞有規律地侵蝕器物表面，要對圓形嘅分佈構圖有一定掌握。亦因為要將圓洞覆蓋住器物嘅表面，愈大嘅器物需要愈長嘅時間同陶泥及電鑽磨合。乾硬咗嘅陶泥卻往往唔能夠被電鑽鑽穿，過度嘅用力亦會令變得脆弱嘅器物崩壞。做住重複的動作，聽住重複的聲音，感受住陶泥慢慢咁變乾；時間嘅流逝顯得薄弱，泥嘅可塑性死線慢慢迫近，人與泥嘅關係隨之變得繃緊，心卻因重複嘅一切而感覺到異常平靜。當一切完結時，嗰件器物就充滿咗光。 最後想同大家宣布「一本地陶」香港本地陶藝節返嚟喇！原定3月舉行嘅活動受到疫情嘅影響因而延期，而經歷搞手同各陶藝家嘅堅持同努力之後，最終排除萬難，嚟緊就可以同大家見面喇，詳情如下： 日期及時間： 2022/6/24 開幕日 | 6:00pm - 10:00pm 2022/6/25-26 | 1:00pm - 8:00pm 地點： 九龍青山道 800號饒宗頤文化館 門票售買詳情請參閱「一本地陶」官方IG專頁 @hklcaf #SUCH #壓模透雕 #陶藝 #TysonYoshi #林嘉欣 #捨予陶室 記得喺Facebook, Instagram, Youtube密切留意SUCH HK： Facebook: https://www.facebook.com/such.hongkong Instagram: https://www.instagram.com/such.hk Youtube: https://www.youtube.com/c/suchhk